Alfabetizazio Digitala

Alfabetizazio digitalaz hitz egiten duten bi bideo aurkezten dizkizuet. 

Lehenengo bideoa oso laburra da eta teknologia digitalek XXI.mendeko hezkuntza eraldatuko dutela kontatzen digu. Bideo honen bidez ikusi daiteke lehen amesten genituen gauzak gaur egun teknologia hauen bitartez ikusi daitezkela. 

Bigarrenean berriz Tiscar Larak Mondragonen eman zuen hitzaldi baten laburpena da eta teknologia hauen erabilera kritikoaz hitz egiten digu. Bere ustez alfabetizazio hitzaren kontzeptu zabalaz hitz egin beharko litzateke, oinarrizko gaitasun digitala ez da soilik tresna digitalak erabiltzen jakitea hauekin kritiko izaten ikastea baizik. Sarean kontsumitzen duguna nork eraiki duen topatzea eta aztertzea garrantzitsua da sarean dagoen guztiaren atzean interes batzuk daudelako eta azken finean merkatu bat delako. Berarentzako oinarrizkoa da komunikatzeko gai izatea eta gure iritziak baita produkzioak publikoak egiten ikastea (honetarako autoestima landu beharra dago, hau da, guk egiten dugunari garrantzia ematen ikasi behar dugu ). Azkenik, Tiscar Lararen ustez hezkuntzaren papera oso garrantzitsua da eta ikasleei ulertarazi behar diegu parte hartzearen, elkartrukatzearen eta lankidetzaren kultura honetan ere balore batzuk daudela.

 Klik hemen bigarren bideoa ikusteko!